♥ رحلتي لكوريا الجنوبية - الجزء الأول !

السلام عليكم ورحمة الله :)

كيف حال الاستعداد لنهاية الاجازة و بداية الدوامات ؟ :) * تحب تنكد*

من زمان عن المدونة ومن زمان ما كتبت بالنت اصلا xD 

تدوينتي اليوم غير ♥♥ اصحاب القلوب الضعيفة لا تدخلون هههههههههههه xD 

الحمد لله رجعت من كوريا الجنوبية بعد ما قعدت فيها 20 يوم ♥♥

اجمل واحلى عشرين يوم بحياتي :( ! 

طبعا اختفيت بهالعشرين يوم لاني ناوية اصلا انزل هالتقرير بعد ما ارجع منها ^^ 

 وها انا قد عدت يا بلادي واستقبلتيني بشمسك الحارقة :( ! 

ماعلينا . عشان ما يكون المتصفح ثقيل عليكم بختصر القرق الواجد وابدأ تقرير رحلتي لأرض الاحلام ( كوريا ) ♥

||
ملاحظة : التقرير كبير جداً فماراح انزله كله في بلوق واحد .. راح انزله على اجزاء 
كونوا حريصين تشوفون الاجزاء كلها ^^ ! 

في البداية ..بجاوب على الاسئلة الشائعة : 

 التنقلات 

99.99 % من تنقلاتنا كانت بالمترو [ الصب وي ] 

وبعض الاوقات بالتاكسي و الباص

اول ما جينا كوريا شحنا بطاقات [ T money ] وكل واحد احتفظ ببطاقته 

هالبطاقة نستعملها بكل شي تقريبا 

المترو و الباص و التاكسي و بالبقالة ههههههههههههه 

طبعا لازم تكون عندك خبرة باستعمال المترو متعدد الخطوط 

احنا الحمد لله استعمال المترو كان سهل وممتع لاننا فاهمين له ^^ 
لكن كثير متبهذلين منه و يحوسهم 
ف هنا انصحهم يستعملون التاكسي 

اوقات ما نقدر نركب تاكسي لاننا 5 و الحد الاقصى اربع اشخاص والسايق الخامس
لكن بعض السواقين يمشونها لنا و يركبوننا ( قلت لكم طبع سعودي ههههههههههه )

التواصل مع الكوريين : 

للاسف اغلب الكوريين فاشلين بالانجليزي :( 

فنواجه بعض الاحيان صعوبة بالتوصل معهم 

لكن الحمد لله كنا مجهزين كل شي ,.. و كاتبين كل الاماكن بالكوري

لكن فيه بعضهم انجليزيتهم تنفهم  :) 

الاماكن المشهورة اللي فيها سياح غالبا اللي يبيعون فيها عارفين انجلش

والشباب تقدر تفهم عليهم .. الاجومات على حسب فيه منهم الكشخة الفاهمه ومنهم اللي تقرق وتضحك بالكوري
ونضحك معها و نسلك لها 

الأكل : 
اكثر شي صعب واجهناه بالرحلة الأكل
لان اكلهم موب حلال علينا .. كون اغلبهم مو من اهل الكتاب 
فكنا اذا رحنا مطعم نقولهم اننا نباتيين 
فناكل بيتزا خضار مثلا او جبن وباستا
او نروح للمطاعم الاسلامية في ايتوان 
او نشتري من البقالات الحلال لحم و نطبخة بالبيت 

الخطوط الجوية : 

للاسف بالرياض مافيه خطوط كورية.. .. فرحنا بالخطوط الجميلة ( الاماراتية ) 

رحلتنا كانت بالـ Air bus اكبر نوع طائرات في العالم ♥♥ 

نظام و رقي و جمال ومادري وش اقول بعد بهالخطوط :( 

مسار الرحلة : 

مسار الذهاب  | الرياض -- دبي ( انتظار 3 ساعات ) -- سيؤول 

مسار السفر الداخلي | سيؤول ( 10 ايام ) -- جزيرة جيجو ( ثلاث ايام ) -- رجعنا لسيؤول ( اربع ايام ) 

طبعاً السفر الداخلي كان على خطوط جيجو الكورية * راح اتطرق لها بعدين *

مسار العودة | سيؤول -- دبي ( ثلاث ساعات ) -- الرياض 

هنا بدأ قلبي يرقص درقن درقن درقن 

احسها شوفة شرعية موب كوريا هههههههههههههه 

ما اقول الا الحمد لله اللي ثبت قلبي وقتها ولا انهبلت وجتني سكتة قلبية :( ♥

اول ما دخلنا المطار .. رحنا صرفنا الدولارات وحولناها لوون 

حطوا لنا الفلوس بظرف فيه صوره نيكهون :( ! كواته :( ♥

كنت راحية انا و اختي نستأجر جهاز الواي فاي وجاء اجاشي عند ابوي

قال انا بوصلكم عندي سيارة كبيرة 

وابوي قعد يضحك يقول نفس شغل ربعنا بالسعودية يصفون لك و كل واحد يقول انا بوصلك 

لما كنا بهونغ كونغ كان نظامهم صارم جدا .. لازم تاكسي حكومي ولا مافيه ههههههههههههههه 

ف ارتاحوا اهلي حسوا بالانتماء * عرق سعودي * هههههههه ♥♥

هذا الاجاشي اللي ركبنا معه ♥

قالنا انا احب شايني عادي اشغل لكم اغاني شايني ؟

واستانس يوم عرف اننا نحبهم و طول الطريق مشغل اغانيهم 

كان طاير طاير الله يهديه و يسبق السيارات 

و فجاه يلف و فجأه يوقف .. توقعت ابوي ينقدهم بس استانس 

قال توقعتهم معقدين بالانظمة بس طلعوا مثل شعبنا وهالشي يريح ويحسسك انك بموطنك هههههههههههههه 
تعقدنا من انظمة هونغ كونغ وحسبالنا كوريا نفسهم معقدين 

سيوووول ترحب بنا !! 

وصلنا فندقنا الاول : اوكوود 

هذا الفندق ف [ قانقنام ] ومشهور جدا لانه جمب [ كويكس ] 

كويكس هذا اكبر مجمع تجاري بكوريا بس من حظنا طلع فيه صيانة على وقتنا 
جممممميييل مررره استأجرنا جناح كبير ( غرفتين بحمامين وصالة و مطبخ و المطبخ مجهز من طقطق لسلام عليكم )
حجزنا لكل الفنادق سواء بسيول او جيجو عن طريق موقع بوكينق ! 

وصلنا نحاول ننام لكن تدفق الادرينالين ب اجسامنا ما خلانا ننام :( ♥

فقلنا نطلع نستكشف المنطقة اللي حولنا بما اننا بقانقنام ( اشهر مناطق كوريا )

طلعنا بس نمشي بالشارع 

وفيه واحد قاعد يدخن ويناظرنا نظرات غريبة 

سوينا نفسنا ما نشوفه كلنا شكله سكران

بعدين قرب عندنا وقال [ عيد مبارك ] ههههههههههههههه

قعدنا نضحك حسبالنا سكران يوم يناظرنا طلع يناظرنا يحاول يفكر بالكلمة 

طبعا كنا باول يوم من ايام عيد الفطر :") ♥♥

هذا الاجاشي وحنا نتمشى قعد ينادي ويأشر لنا من بعيد [ تشيري تشيري ]

طلع يبيع كرز لذييييذ وكبير .. شرينا لنا كرتون ♥__♥

بعدها شفنا هالمطعم الايطالي 

كنا ميتين جوع 

لما دخلنا .. النادل و الطباخ يناظرون متفاجأين 

والطباخ شاب صغير كيوت :$ قعد يكلم النادل بالكوري ويأشر عالكراسي

والنادل على طول جهز لنا كراسي و جاب لنا مويه و مقبلات و وقف عندنا يناظر هههههههه

و راح ينادي رئيستهم وجت رئيستهم تاخذ طلباتنا ♥♥

وكلهم مستانسين اول مره يشوفون عرب بمطعمهم ههههههههههههه 

ولما جت طلباتنا .. واقفين عندنا يتفرجون علينا وحنا ناكل ههههههههههه

لدرجة ان اختي مسكت بطاطس و غطتها بكتشب اخوي

راح على طول جاب لها بادية كبيره فيها كاشب هههههههههههههه 

يبون كل شي يكون بيرفكت xD ♥♥

لانهم يهتمون مره بالسياح ومايبون ينقلون صورة مو كويسة عنهم 

حنا حبينا هالمطمعم وزرناهم مره ثانية لين صاروا اصدقائنا الصدوقين ههههههه

و مره كنا رايحين للسوبر ماركت اللي بشارعنا نتقضى و شفنا واحد منهم جاي يتقضى للمطعم شافنا من بعيد وضحك

وجاء عندنا يتضحك [ انيوهاسيو .. قوود موورنينق !! ] يجننون :(

المهم .. بعد ما خلصنا اكل كملنا مشي بالشارع 

باصاتهم :( اول يوم كنت ابي اركب و اعيش جو الدراما ههههههههههه 

وبعدين خلاص رجعنا الفندق ننام لاننا كنت مواصلين والادرنالين لعب علينا :)) 

من بكرا ! قمنا الساعة 6 افطرنا و تروشنا و لبسنا وانطلقنا الى لوتي وورلد ! 

ركبنا المترو .. فالبداية شحنا بطاقاتنا و كان فيه مكتب صغير بمحطة المترو للاستفسارات 

كنا بنسألهم عن حاجة بسيطة 

وكان فيه واحد كيوووت :( لطيف مره بس مايعرف انجليزي زين 

ساعدنا بالبطاقات و اعطيناه هدية فيها شوكولاطات ومكتوب هابي عيد 

وتقطع من الوناسة :( ! 

وصلنا ! 

لوتي وورلد Lotte world 

لوتي هي اكبر شركة في كوريا .. امم شركة مهتمه بكل شي تقريبا 

اكل وملابس وترفيه

وهذي الملاهي تابع لهالشركة 

الملاهي عبارة عن جزئين ( داخلي وخارجي )

الداخلي جداً ضخم .. سمعت انها اكبر ملاهي داخلية بس ما ادري ..

تصميمها مشابه لديزني لاند ♥

ههههههه الخبل ذا قعد يتنكس يوم شاف كاميرتي :( 

صور للوتي وورلد  : 

كنت اصور وعايشة جوي وفجأه اسمع صراخ بنات و كاميرات تطلع من الدرج المتحرك 

انا على طول جهزت كاميرتي وصورت قلت اكيد اكيد ايدول ♥____♥

طلعوا يصورون برنامج مشابه ل لقد تزوجنا ♥♥

واحد لاعب بيسبول و البنت مدري يمكن ممثلة :) ♥

لاعب البيسبول لما شافني اصور جاء عندي وقال [ نيقا آرايوو ؟؟؟ ] يعني [ تعرفيني ؟ ] 

والكاميرات تصورني تنتظر اجابة وانا توهقت .. قلت [ ايه ايه انت مشهور مره ] 

واستانس و شاف نفسه هههههههههههه يعني غريبة عربيه تعرف لاعب بيسبول 

وانا اصلا ما اعرفه .. بس سألت ولد كوري بجمبي وقالي انه لاعب بيسبول ههههههههه 

وطلعوا برا وطلعت انا واختي معهم .. وهو بس يناظرنا وسحب على اللي معاه ههههههه

بعدين قال لأختي : تعالي اشتري ايس كريم معنا 

واختي تغطي وجهها لان الكاميرات عليها هههههههه 

و شفناهم بعدين لحالهم بدون كاميرات و جينا عنده وقلنا انت لاعب بيسبول صح ؟ قال يس يس 

قلت تعرف حنا من وين ؟ قال يس يس قالت اختي يا نصاب ما تعرف .. 

وفجأه طلعت الكاميرا تلاحقنا وحنا ماندري هههههههههههههههه 

ونركض بننحاش و المصور بكاميرته معنا ههههههههههههههه 

ماراح اقول لكم اسم البرنامج عشان ما تشوفون اشكالنا ههههههههههه -___- ! 

قلت لاختي خلاص لاشفناهم نبعد عنهم ما ينعطون وجه ههههههههههه 

نرتشف قهوه هالمزيون بعد الركض اللي صار هههههههههه 

انا رحت العب السفينة الكبيرة لحالي [ اختي خوافة ] وهي راحت تتمشى 

لما ركبت عرفت قد ايش الكوريات يحبون يتدلعون هههههههه 

انا كنت راكبة مع مجموعة دلوعة .. والجزء اللي قدامي من السفينة كانوا كلهم فله ويوسعون الصدر

احنا لما يرتفع الجزء حقنا يصارخون ويصيحون وبجمبي وحده طاحت بحضن حبيبها تبكي ههههه

وانا الوحيدة اللي رافعة يديني مستنانسة

والجزء اللي قدام كان اغلبه اصدقاء شباب و بنات قليل .. مافيه كابلز يتدلعون 

كانوا يغنون ويصارخون بحماس موب بدلع :(

ويضحكون علي لاني الوحيدة اللي متحمسى من اللي معي ههههههههه 

بعدها شفت عروض مثل الكارنفال وعالاسلوب البرازيلي 

صورت معهم هههههههههه 

كيوت اشكالهم :( 

اللي عاليسار جاء قالنا [ السلام عليكم ] توقعناه مصري 

طلع اوكراني بس كان يدرس بمصر هههههههههه 

وانا كنت اتمشى طليت من بعيد لقيت المصورين طلعوا من الملاهي هههههههه 

فكه الحمد لله هههههههههه 

الاشقر اللي قدام هو اللي قعد يلاحقنا بالكاميرا :( 

بعدها طلعنا للجزء الخارجي من الملاهي 

صور : 

فيه عيب واحد بس بملاهي لوتي وورلد 
ان السير على الالعاب خصوصا الخارجية طويل مررره 
يعني عادي وطبيعي تقعد ساعتين واقف عشان لعبة دقيقتين ههههههه
بس تستاهل اغلب الالعاب
مع اننا رحنا بوقت مو ويكيند .. يعني لو ويكيند يمكن تقعد 4 ساعات xD

||

في الليل رحنا لمطعم  حلال بالطريقة الكورية لانهم يستعملون اللحم الاسترالي

اسم المطعم 

YANGGOOD 

نطلب اللحم و يتبلونه ويجهزونه ويجون يشوننه بطاولتنا ^^ 

اللي يتابعون افلام ومسلسلات كورية بيعرفون كيف ♥♥

اللي يشويلنا ملقوف هههههههه وهو يشوي انا كنت اتفرج عالتويتر * كان نفس يوم خروج ليتوك* 

فقعد يتفرج معي هههههههههه قلت تحب سوبر جونيور ؟ قال نو نو .. قلت بيست ؟ قال نو نو 

قالت اختي وشايني ؟ قال نو نو اي لوف ماي سيلف هههههههههههه ! 

طبعا لما خلصنا وطلعنا للشارع بنرجع لفندقنا كان فيه كثثثير بنات معهم بالونات زرقاء 

كانوا رايحين يشوفون ليتوك انا ما عرفت الا من تويتر انه طلع بنفس اليوم .. :) 

||

من بكرا طلعنا نتمشى الصبح بأحد شوارع سيول القريبة من جامعة هونقيك 
احب هذا النوع من الشوارع ♥

ايتيود هاوس :"""( ! مينهو يهديني قلبه ♥♥ * سلكوا لهالنفسية *

دخلنا نتقهوى في دانكن دونات ! طبعا ما يحتاج اقولهم قد ايش هم يقلدوننا :))♥♥
مره مره يقلدوننا ! غشاشين ! 
الدونات عندنا اشكالها تقليديه وهم اشكالها كيوت :( وفيه اشكال دباديب و حركات :( ♥♥
||

بعدها اخذنا تاكسي عشان يودينا لمنطقة ايتوان 

انصدم اول ماركبنا شافنا كثيرين .. قال : ايران ايران ؟؟؟؟
قلنا لا ياخوي سأوودي ارابيا وش ايران xD !
وارتاح نفسياً يوم عرف اننا موب ايرانيين هههههههههههههههه
و قعد يناظر ساعة بالمراية بعدين لف علي وقال [ بيوريبول ♥ ] ! يعني بيوتيفول :(
وجهي صار احمر :( !
الحين انا معجبتني اشكالهم و هم معجبتهم ملامح العرب :(♥♥
ايلوفيوووه :( ♥

||

Itaewon

من المناطق السياحية الشهيرة 
خاصة للمسلمين لكثرة مطاعم الحلال فيها .. بكل مكان راح تشوفون كلمة حلال 

اشترينا منهم لحم ودجاج :)) !

وبعدها رحنا زرنا جامع سيول ! 

صلينا فيه العصر وكان فيه شباب و بنات كوريين كثير جايين يشوفون ويتعلمون عن الاسلام
وياخذون صوره قدام المسجد
كمجرد ثقافة .. و البنات لبسوهم تنانير طويلة قبل لا يدخلون لان اغلبهم شورتات♥ xD
وكانوا مستانسين انهم كلهم نفس التنانير
يعني مثلا تجي وحده هي وحبيبها وتدخل تلبس التنوره وتطلع مستانسة عند حبيبها وترقص بتنورتها هههههههه 
الحمد لله استانست ان فيه من شبابهم احد مهتم يعرف عن الثقافة الاسلامية ولو بشكل بسيط !♥♥

||

بعدها قررنا نروح لبرج نامسان 
طبعا فيه باص شاتل يودي لبرج نامسان 

قصينا التيكيت اللي تودينا لأعلى برج نامسان 
لكن دخول البرج يحتاج تيكت ثاني 

برج نامسان او برج سيول 

هنا على طول تذكرت دراما انتم محاصرون يوم يرقى كل ذا الدرج ويجيه شد عضلي 

هههههههههههههههه ماينلام الدرج طويل ومتعب :( ♥

وصلنا للبرج :$ !
احنا طول وقتنا برا ما دخلنا البرج
لان على حسب اللي قريته ان اللي برا امتع واحلى
واللي جوا عباره عن متحف دبدوب تيدي بير . وهالمتحف فيه له فرع بجيجو راح نزوره 
وفعلا برا ساحه وسيعة و اقفال الحب بكل مكان ههههههههههه ♥

كنا بنرقى لمكان اعلى شوي فيه اقفال كثيره وفجأه سكروه وقالوا ممنوع الدخول ونزلنا نشوف شسالفه فوق
طلع فيه تصوير لدراما !!
انا هنا انهبلت اخيرا اخيرا شفت تصوير لدراما ! ♥♥♥

كنت ابي الممثل يعطينا وجهه عشان اعرف مين هو ! بس حمار طول الوقت معطينا ظهره

وبالاخير لف علينا وشفته ! ♥♥ كان جمممميللللل وجنتل مان ♥♥

لكن ما عرفته زين :( 

بعدين فتحوا الدرج اللي يودي لهم ورقيت على طول 

وكان فيه واحد من طاقم التصوير رافع لوحه [ ممنوع الازعاج وومنوع التصوير ] 

والكوريين يعاندونه ويصورون ههههههههههههههه قلت لكم شعب فيه عرق سعودي

وجاء هاوش واحد وعلى حسب اللي فهمته من كلامه يقوله [ ما تشوف اللوحة ] 

قال هذاك [ لا انت منزلها ارفعها عشان اشوف ] 

ورفعها ,, وهذاك كمل تصوير

وهذاك عصب ! قال ليش تصور !!

وهذاك يقول [ مرسوم باللوحة صورة كاميرا وانا قاعد اصور بجوال ] 

وكل الناس ضحكوا عليه ههههههههههههههههههه

تحشيش قسم بالله :( 

بعدين جيت انا بكل براءة اسأل هذا اللي معاه اللوحه قلت [ عادي تقولي اسم الدراما ؟ ] 

وضحك ضحكة المتوهق .. ما تشوفون الا التقويم اللي بأسنانه :( ♥♥♥ههههههههه 

وبجمبه بنت تسوي حركة [ فايتينق ] .. طلع المسكين متوهق مايبي يتكلم مع اجنبية لانه ما يعرف انجلش

بعدين قالي [ موذر ... موذرس ... موذرس قاردن ] والبنت تصفق له لانه نطق الكلمة ههههههههههه

هم طبعا اسماء الدراما عندهم بالكوري .. بس هو كثر الله خيره ترجمها ههههههههههههههههه 

هي دراما مو معروفه عندنا لانها طويلة [ 100 حلقة ] 

هذا بطل الدراما اللي شفته : 



الممثلة اللي معاه ما عرفتها وشكلها ما كان واضح ابد ابد .. بس اشوف تسريحتها وفستانها الوردي 

بعد ما خلصوا تصوير .. رحت صورت بالمكان اللي صوروا فيه *لزوم الذكريات *

||

اليوم التالي 
قررنا نروح لحديقة سيول الوطنية 
سيول ناشونال بارك 
حديقة كبيرة جدا جدا ! فيها مدينة ملاهي وفيها حديقة حيوان 
و الطبيعة لحالها تكفي ! ♥

حديقة سيول لها محطة خاصة للمترو فعلى طول طلعنا من المحطة طحنا بالحديقة 

صور للحديقة : 

هنا فيه اجومات يبيعون صوارير !!!! 

وقسم بالله انصدمت .. صوارير مطبوخة !!! 

شدعوه عاد !! :( 

اكتشفت ان الاجومات و الاجاشيين عندهم مثل شيباننا 

شيباننا هم الوحيدين اللي ياكلون جراد 

و الاجومات ينادون الشباب و البنات يشترون وهم متقززين ويقولون لا ! 

الحديقة كان كل اللي فيها كوريين 

استغربت وين السياح xD ! 

وحنا نمشي وقفتنا اجوما ومعها عائلة بزارين وبنات وعيال

قالت من وين انتم ؟ قلنا سأودي ارابيا ! قالت اوووه oil oil !! ♥

ومعها ولد صغير قال واااه سأودي ارابيا  !! 

| وكانوا اهلي قاعدين وانا اتمشى و قدامي حرمة وهي تمشي تقول [ هاااي!! .. بيوتيفول !! ] 
و كملت مشيها من غير ما اقولها شكرا حتى ههههههههههههههههههه ! مستعجلة ههههههههههه 
جد جد حابه اشكر الشعب الكوري اللي عززوا لنا :( ! ♥♥



لان الحديقة كبيرة و جزء منها على جبال .. كان الصعود صعب .. بس النزلة سهلة 
عشان كذا رقينا لها بالتلفريك

قعد حوالي ربع ساعة ! طويل مره ويرقى وينزل 

الصورة باين اننا ننزل بس لا هذي الحديقة بين الجبال 

بعض التنقلات تكون بالباص الخاص بالحديقة 

الهاربون من المطر هههههههههههههههههه ! 
كلهم مرتاعين ويدورون اقرب سقف يحميهم من المطر الا حنا مستانسين ونتمشى تحته ! 

||

فالليل بعد ما خلصنا من الحديقة رحنا نتمشى ف شارع دونغدايمون ♥♥

رحنا له بالمترو برضو لانه بعيد عن الحديقة 

dongdaemun

شارع مشهور في كوريا للتسوق ! 
في محلات صغيره في الشارع وفيه مجمع Doota مول وفيه مركز سيول للتصميم 

هنا فيه لحم و دجاج يشهي لكن مو حلال :(

تسوقنا فيه ... و قريت اننا نقدر نكاسرهم بسهولة 
اذا قالي مثلا البلوزة بـ 100.000 وون يعني ب 400 ريال تقريباً 
اقوله [ بي سا يو !! ] يعني [ غالي ] ويرد علي بـ [ آن بي سا  !! ] يعني مو غالي 
واقوله [ كا كاجوسيو ] يعني نزل لي السعر ويكون معي اله حاسبة حقت الجوال واحط السعر اللي ابيه
واذا عيا اروح واخليه و يتحسف ويناديني ويبيعه بسعر اقل هههههههههههه 

هذا المكان كل الكوريين مدحوه لنا بس احسه عادي جدا 

هو حق تصميم وفيه محلات و فيه جلسات برا 

امم احس جميل اذا كان فيه معرض خاص بالتصميم بس جينا بوقت متأخر 

اتوقع هو نفسه المكان اللي مثلوا فيه بدراما fated to love you 

وهو مشهور بكوريا للكابلز ! يعني بكل مكان تشوفون اثنين متخاممين xD 

||

اليوم التالي 

خطتنا كانت اننا نزور ملاهي [ ايفر لاند ] 

EVERLAND

جميلة جميلة جميلة اتعب وانا اقول حبيت هالملاهي 

لما دخلتها رجعت لي ذكريات ديزني لاند بهونغ كونغ ! 

استغربت ان لوتي اشهر منها 

هي اجمل من لوتي بكثير بالنسبة لي ! 

طبعاً ايفر لاند بعيدة مره :( ومافيه محطة مترو لها 

فركبنا باص في قانقنام رقم 5002 يودينا للأيفر لاند او مكان قريب منها 

هذي المنطقة اللي انتظرنا فيها باص 5002 !
تفتح النفس وصور المشاهير بكل مكان :( !♥♥

الباص السعيد :) قعدنا فيه ساعة كاملة ! 

الحمد لله اول ما ركبنا لقينا كلنا كراسي وقعدنا 

لكن لما رجعنا بالليل ركبناه متأخر وراحت علينا الكراسي وقعدنا ساعة واقفين :( 

الشعب الكوري غريب لان كان فيه كوريين واقفين معنا ونايمين وهم واقفين !!! 

انا كل شوي احرك رجلي من التعب وهم بسابع نومه هههههههههههههه 

يعني اوكي استوعبت انهم ينامون بالمترو لكن كيف ينامون بالباص وهم واقفين ! xD

المهم 

وصلنا للايفر لاند 

وكان فيه باص شاتل يوصلنا للملاهي 

5 او 10 دقايق ونوصل الايفرلاند

لاننا الصباح الباص موب زحمة 
لكن لما رجعنا فيه بالليل زحمه زحمه زحمه موووت 
والله كانوا بعض الكوريين لاصقين بالقزاز من الزحمه ههههههههه 
وكان فيه كوبل الولد ماد يدينه عشان يسوي مكان وسيع لحبيبته وعشان محد يطيح عليها
مالت عليها مخرفنته :) ! حنا ميتين من الزحمه وي مستانسة
انا واختي ماسكين بعض عشان لا نطيح على احد 
و لف الباص بسرعة و طاحت اختي على اللكوبل وخربت جوهم ههههههههههههههه 
ياحياتي كان جمبهم شلة اصدقاء واحد منهم قصير موب واضح منه الا وجهه كانوا عافسينه عفس ههههههههههه

||
وصلنا الحمد لله !! ♥♥

هذا شباك التذاكر الخاص بالاجانب

لان من سياسة الحديقة ان تذاكر الاجانب سعرها اقل من تذاكر الكوريين ! 

استغربنا من هالشي يعني اغلب الدول يعطون التخفيض لشعبها موب للسياح ههههههههههه 

لكن شي جميل و يزيد شعبية السياح في كوريا :)♥

اول ما دخلنا كان فيه هذا الشي الجممميل :( ! 

كونسرت هولوجرام لشركة واي جي ♥♥♥♥

دخلناه وشفنا هولوجرام كونسرت لبيق بانق و ساي :( ! 

التصوير كان ممنوع مالحقت اصور الا ساي xD  !! ♥♥

فيه فيديو لبيق بانق راح انزلة بالانستقرام حقي amai8onna 

صورته بالدس :)) ! ♥

||

صور : 

عرض موسيقي لفرقة هولندية 

بزارينهم يعشقون شي اسمة بربسة بالماء 

اي موية يشوفونها يروحون يلعبون فيها xD ♥

شفتوا اللعبة العملاقة اللي وراء  ؟ 

قعدت ساعتين اقنع اهلي اني ابي اركبها وهم رافضين 

لين طفشوا مني وركبتها ههههههههههههه ♥♥

قعدت ساعة بالطابور عشان العبها 

تجننن تجنن :( ركبتها انا وابوي 

ابوي كان مرتاع منها وانا مستمتعة ههههههههه 

||

بعدها كان فيه ساحة كبيرة يسوون فيها عرض مائي 

لبسوا الناس جاكيتات ضد الموية 

وبدوا يرقصون ويرشون علينا موية ! جمميل مره 

ووزعوا عل البزران مسدسات ماء عشان تمتلي الدنيا كلها موية xD♥♥

كيوووت :( ! 

احسن شي فيهم انهم يعززون للتصوير :( ! 
فيه فيديو للعرض .. تابعوا الانستغرام  ||

شفتوا شفتوا :( قلت لكم يعززون للتصوير .. شعب لطيف :( ! 

لقينا غرفة للصلاة فيها مغسلة ومكان مريح ومكيف للصلاة :$ 

الله يجزي اللي مسويه خير ويهدي قلوبهم للاسلام ! ♥♥

||

بعدها رحنا تمشينا بالسفاري .. باص يمشينا على منطقة مليانه حيوانات :$♥

||

وهذي منطقة امازون ركبنا فيها قوارب موية وكلها شجر شبيهه بغابات الامازون ♥

اي ديرة نروح لها لازم نركب هالقوارب كلنا ههههههههههه ♥♥ 

الملاهي كبيرة كبيرة ولو انزل الصور من اليوم لبكرا ما تكفي 

هذي الصور اللي اقدر انزلها عشان لا يكون التصفح ثقيل ^^ 

||

في اليوم التالي 
قررنا نقابل اثنين من الاصدقاء الكوريين اللي عرفناهم بالنت 
واحد منهم مسلم ♥

الاول ( ريتشارد ) شربنا القهوه معاه ورحنا للسوبر ماركت مع بعض ^^ ♥
الثاني .. المسلم ( هيون سونغ ) او اسمه بالعربي ( سهيل ) ♥
قضينا يوم كامل معاه وكان جدا مستانس انه قابل عائلة عربية اخيرا ^^
وكان مره محترم و يحب يساعد ويهدي هدايا 
لما قابلناه كان جايب معاه كيسة مليانه هدايا 
وكان مهتم فينا لين رجعنا للسعودية .. لدرجة ان اخر ليلة في كوريا رجعنا للفندق ولقينا فيه هدايا 
في غرفتنا .. طلع هو مرسلها وموصي طاقم الفندق يحطوها بغرفتنا  ♥♥
كانت مليانه حلويات وبساكيت و اكل كوري 

عزمناه على مطعم قصر انقرة الحلال في ايتاوان 
واستمتع بالأكل التركي المشابه للأكل العربي الشامي ♥

بعدها قال انه بيودينا للقصور الكورية القديمة ^^ وهذي من اشهر معالم سيول التراثية 
هي قصور من حقبة جوسن ! ♥

هذا صديقنا الصدوق سهيل ^^ 

هذا كرسي الملك حقهم قبل الاف السنين 

||

بعدها قال انه بيودينا لنهر الهان عشان نشوف عرض جسر البامبو 

( اتوقع اي وحده تحب كوريا بتعرف وش هالعرض ^^ ) 

وحنا بالطريق لنهر الهان شفنا مدرسة طلاب مدرسة موسيقية جايين يأدون عرض في الشارع 

الطلاب عددهم كبير جدا وكلهم متناغمين باللحن ^^

معليش موب واضحه الصوره لاني صورتهم من بعيد .. فيه لهم فيديو بحاول انزله بالانستغرام :)

وصلنا لنهر الهان !! 

اااااه جاني شعور جممممممميل لما شفت النهر

تذكرت تغريدة كتبتها بالتويتر [ امنيتي اروح اتأمل نهر الهان و استرخي شوي ] 

تذكرتها  واخيرا تحققت الامنية !! 

شعور انك تشوف شي تمنيته قدام عينك جميل جدا :( ! 

من سوء الحظ.. الجو كان جداً مضطرب .. ف أعلنوا ان عرض الجسر ملغي لليوم

لانهم يخافون على سلامة المشاهدين من العاصفة اللي بتجي 

طبعا ما قلت لكم .. الكوريين عندهم الهواء الخفيف يسمونه عاصفة ههههههههه 

شعب مدري شقول عنه :( يكرهون الحر و البرد و المطر و الهواء هههههههههه 

الجو كان جدا جدا علييل ♥♥♥ !! و السيد سهيل كان يهف بالمهفه ! 

استغربنا الجو يميل للبروده وش جوه ذا عشان يهف نفسه  هههههههههههههه 

||

وحنا نتمشى عند النهر شفنا هالاثنين .. مكونين لهم فرقه صغيره ويغنون عند النهر 

قلت لكم من قبل ان الشعب الكوري يتعاطى الحشيش ههههههه 

انا حسبالي انهم يغنون عن الحب و ما الحب 

طلعوا يغنون عن [ الدجاج ] !!! 

ايوه الدجاج :( ! ههههههههههههههههههههههههههههههه ♥

يقول واحد منهم اني لما كنت بالجيش سنتين كنت اتمنى آكل الدجاج المقلي

وماكانوا يجيبونه لي :( .. ف ألفت له اغنيه هههههههههههه 

وبكل مشاعره الصادقه يغنيها [ تشيكن تشيكن ] هههههههههه 

الفيديو حقهم موجود بالانستغرام ^^♥♥♥ ! 

||

خلص يومنا الجميل مع سهيل .. وقررنا نزور نهر الهان في وقت ثاني

لما يكون الجو معتدل عشان نشوف العرض ^^♥ ! 

||

من بكرا طلعنا نتمشى الصبح وندور لنا على مقهى نتقهوى فيه 
وبالصدفة وحنا نتمشى بالشارع لقت مقهى [ كونا بيينز ] !!!!!! 
مقهى امهات سوبر جونيور !!!! 

انهبلت وقلت لاهلي لازم لازم ندخله واشوف امهات السوجو :( !! 

ودخلت ولقيت اللي يبيعون فيه بنت وولد .. ادور يمين يسار وين الامهات ! 

طلع هالفرع موب الفرع اللي يديرونه امهات السوجو :( 

طلع فرع ثاني :( يا خسارة الحماس اللي جاني :( 

ماعليه .. المقهى كان جميل و انيق وهادي 

اخوي كان مزعجنا يبي يروح لمقهى القطط ! 

مقاهي القطط مشهوره جدا بسيول وفيه فروع كثيرة 

فرحنا للفرع القريب مننا .. مع اننا تقهوينا وافطرنا بكونا بيينز بس ماعليه رحنا نتفرج عالبساسة مارحنا نشرب قهوتهم :) 

بساستهم مدلعه :) لازم يعقمونك و يغيرون جزمتك قبل لا تدخل عشان لا توصخهم ههههههه 

انا يعقموني عشان قطوة :( ؟ 

وماتجي عندك الا اذا معك اكل :) ! طماعات ! 

||

بعدها اقترحت على اهلي اننا نروح لشارع انسادونق ♥♥♥♥♥♥
من كثر ما قريت عن هالشارع تحمست اروح له ♥♥♥♥

INSADONG 

هذا المعنى الحرفي لـ [ كل *** ] ههههههههههههههه 

الله يكرم النعمة :( ! مادري ليه حاطين هالكيك على شكل *** ! استغفر الله :( ! 

||

وحنا نتمشى بالشارع .. كان فيه اربع محلات جمب بعض وكل محل فيه 5 شباب 

يسوون الحلوى الكورية التقليدية ♥♥

احنا كنا نمشي وكل اللي بالمحلات يشوفونا من بعيد ويقولون [ اراب اراب !! سلامو أليكوووم ♥♥ ] !! 

وكل محل يبينا نجي عنده هههههههههههه xD 

لين ما اخترنا هالمحل اللي فيه هالظريفين الجميلين ^^♥♥♥ ! 

اول ما جينا سألونا من وين وقالنا السعودية و قالوا [ وي لوف سأودي ارابيا ♥ ]  

هم يبيعون الحلاو وقبل لا تشتري يورونك كيف يصلحونه ويغنون بنفس الوقت اللي يصلحونه فيه 

جميل مره :( يغنون مع بعض و يزينون مع بعض :(  ♥♥ 

فيه فيديو لهم في الانستغرام ^^ 

شفت وراهم صوره لي سونغ جي وقلت [ اووه سونغ جي اوبا ♥♥!! ] 

وهم مصدومين قالوا تعرفينه ؟؟؟ قلت اييه ممثلي المفضل ! ♥

وقعدوا يغنون لي اغنيته الرومنسية ♥ ههههههههههههههههههههه xD

هنا قلت لهم اني بصورهم وكلهم صفوا وصورتهم [ الصوره اللي فوق هذي ] 

بعدين هذا اللي عاليمين جاء وغطى عليهم وقال [ انا اوسم منهم صوريني انا بس ] هههههههههه 

واللي مسوي حبتين يقولي [ هيلوا هيلوا ] طلع يقصد [ حلوه حلوه ] هههههههههههههه 

نفسي اعرف مين معلمهم عربي xD ! ♥♥♥

هنا وهم يسوون الحلا الكوري ^^ 

لذيذ مره عباره عن عسل و سكر و مكسرات بس طريقة عملهم له فريدة جداً !! 

شرينا منهم 5 كراتين ههههههههههههههه ♥♥♥

اذكر اني كنت اتفرج عليهم وبعدين لفيت وجهي وقعدت اناظر المحل الثاني اللي بجمبهم 

وواحد من هذولا قالي بالانجليزي ( هييي هييي !! لا تناظرين هناك هذولا سيئين وما يحبونك .. احنا نحبك شوفينا حنا بس  ] 

هههههههههههه

||

في نهاية شارع انسادونق فيه متحف للخدع البصرية 

 Alive museum or

Trick eyes museum 

هالمتحف رهييب مرره xD استانسنا و متنا ضحك فيه 

عباره عن صور بالجدران تسوي فيها حركه و يحطون لك زاوية معينة للتصوير 

عشان تصير كأنها حقيقية للعين ! ♥

بعض الصور من المتحف : 

في جزيرة جيجو زرنا فرع اخر للمتحف و اجمل ^^ 

ان شاء الله لما أجي لجزء جيجو اعرضه :) ! ♥♥

||

||

من بكرا .. عزمنا صديقنا سهيل في مكتبة 

و رحنا زرنا شركته وشفنا اصدقاء العمل معاه ^^ 

كانت تجربة جميلة جدا اننا نزور شركة كورية 

انا بحياتي ما زرت شركة و اطلعت على مكاتبهم حتى بالسعودية :( 

فكانت تجربة جميلة 

وكانت ضيافتهم جدا جميلة .. هي شركة خاصة بالقهوة 

طبعا هو مو ويكيند ف سهيل ما كان فاضي عشان يقابلنا برا الشركة 

فعشان كذا عزمنا فيها ^^ 

بعد ما خلصنا .. رحنا نشوف مسرحية من اشهر مسرحيات كوريا 

مسرحية [ Nanta ] الكوميدية  !! 

هي مسرحية كوميدية موسيقية راقصة عبارة عن اربع طباخين محششين ! 

واحد منهم كبير الطباخين .. وبنت و حبيبها .. و طالب مستجد بالطبخ 

يجي قائدهم الشايب ويطلب منهم يسوون وليمة لعرس قبل الساعة 6 ! 

ويحاولون يسوون الوليمة بسرعة بطريقة مضحكة وتحشيش  ! xD

ويرقصون ويطبلون بادوات المطبخ ♥♥

طريقة عزفهم بالادوات و تمثيلهم شي جميل ♥♥  

المسرحية جلست ساعة ونص .. طول هالوقت بطني يوجعني من الضحك ! 

ضحك ضحك مو طبيعي تمثيلهم ههههههههههههههه ♥♥♥

خصوصا الطالب المستجد فاهي ومهبول :( و يكرهونه لانه ولد اخو رئيسهم ومدلعه ويحبه وهم لا♥ xD 

وطريقة تواصلهم مع الجمهور مضحكة هههههههههه طلعو اخوي و بنت صينية يطبخون معهم 

وطلعوا اثنين وسوو لهم عرس ههههههههه ♥♥

طبعا التصوير كان ممنوع منعاً باتاً ! فعشان كذا ما كان عندي فرصة اوريكم صور :( 

هنا مدخل المسرح ♥♥

هذولا ابطال المسرحية .. و ممثلي اليوم اللي عاليمين  ♥♥

||

||

كذا اكون خلصت اول جزء من رحلتنا لكوريا 

عشان لا يكون التصفح ثقيل 

لمتابعة الجزء الثاني 

اضغطوا هنا !